Home » Tamannaon mein uljhaya gaya hun

Tamannaon mein uljhaya gaya hun

Tamannaon mein uljhaya gaya hun

tamannāoñ meñ uljhāyā gayā huuñ

khilaune de ke bahlāyā gayā huuñ

huuñ is kūche ke har zarre se āgāh

idhar se muddatoñ aayā gayā huuñ

nahīñ uThte qadam kyuuñ jānib-e-dair

kisī masjid meñ bahkāyā gayā huuñ

dil-e-muztar se pūchh ai raunaq-e-bazm

maiñ ḳhud aayā nahīñ laayā gayā huuñ

saverā hai bahut ai shor-e-mahshar

abhī bekār uThvāyā gayā huuñ

satāyā aa ke pahroñ aarzū ne

jo dam bhar aap meñ paayā gayā huuñ

na thā maiñ mo’taqid e.ajāz-e-mai kā

baḌī mushkil se manvāyā gayā huuñ

kujā maiñ aur kujā ai ‘shād’ duniyā

kahāñ se kis jagah laayā gayā huuñ

Tamannaon mein uljhaya gaya hun

Want to read more interesting blog posts click here

Want to read more urdu poetry click here

Share This Post
Have your say!
00
2 Comments
  1. mein khud nahi aya, laya gya hun…
    nice one..

Leave a Reply